Якая праблема стала прычынай напісання праекта?
Праблема сённяшняга дня - гэта выпальванне сухой травы на лугах, меліярацыйных каналах, дачах, па абочынах аўта-і чыгуначных дарог. Не дастаткова інфармацыі аб наступствах выпальвання травы. Паводле звестак упраўлення абласнога МНС, гэта праблема найбольш распаўсюджана ў раёне Днепрабугскага канала і Беларускага Палесся. У першых, згубна дзейнічае на экалагічную жамчужыну нашага краю і Еўропы, дэградуе зямлю і пагрозліва ўплывае на эстэтыку і псіхіку. Але самае галоўнае па інфармацыі пажарных службаў і лясніцтва - гэта самая актыўная крыніца тарфяных, лясных і дачных пажараў.
Асаблівасці выканання праекту і яго вынікі. Якія з гэтых мерапрыемстваў былі рэальна ажыццёўлены?
1) У рамках праекта правялі экалагічны інфармацыйна-навучальны лагер “МЫ І ІНТЭГРАЦЫЯ” для валанцёраў на турыстычнай базе “Спадарожнік” Белае возера з практычнымі элементамі арганізацыі і інтэграцыі экалагічнай работы на месцах з дзецьмі малодшых класаў школ г. Брэста.
2) Правялі пашыраную канферэнцыю "Зямля наш агульны дом", дзе спецыялісты зацікаўленых ведамстваў і прадстаўнікі грамадскіх арганізацый, лідэры экалагічнага руху, СМІ разам абмеркавалі і абвастрылі праблему выпальвання сухой травы. Выйшлі з грамадскай ініцыятывай па дадзенай праблеме. Абазначылі эфектыўныя шляхі працы. Гэта праблема недахопу інфармацыі на мясцовым узроўні.
3) У рамках праграмы правялі семінар па мясцовых экалагічных праблемах "1 кропля + 1 кропля = акіян". Сабралі «інструктараў» - выкладчыкаў, якія творча працуюць з дзецьмі ў школах у інтэрнатах Украіны, Расіі, Польшчы і Беларусі. Пад дэвізам "Чысты ДОМ складаецца з чыстых кутачкі" правялі агітацыйную працу сярод удзельнікаў. Наша зямля складаецца з маленькіх мясцовых вёсак, пасёлкаў, лугоў, азёр, палёў і, калі кожны будзе ставіцца поўна глыбокай пашаны да сваёй мясцовай прыроды, то агульны дом будзе пахнуць і цешыць людзей якія жывуць у сваім «куточке». У праграме семінара паказалі практычную агітацыйную працу Тэатра «Пераадолення» пастаноўкай «Свет кахання» з праграмы «Чорны паплаў». Правялі ў Брэсцкай спецшколе творчую работу па зададзенай экалагічнай тэме і арганізавалі выставу "Экалагічная фантазія".
4) Па выніках канферэнцыі і семінара падрыхтавалі і выпусцілі інфармацыйную брашуру "Вопыт мясцовых экалагічных ініцыятыў" па актуальнай праблеме выпалу сухой травы і экалагічных ініцыятывах БМАГА "Інвалід і асяроддзе".
Колькі людзей увогуле было ахоплена праектам?
1) На першым этапе праекта ў экалагічным інфармацыйна навучальны лагеры «МЫ І ІНТЭГРАЦЫЯ» на турыстычнай базе «Спадарожнік» Белае возера ўдзельнічала 42 чалавекі (валанцёры і навучэнцы малодшых класаў г. Брэста).
2) У пашыранай канферэнцыі "Зямля наш агульны дом" прынялі ўдзел 31 чалавек.
3) У семінары па мясцовых экалагічных праблемах "1 кропля + 1 кропля = акіян". Сабраліся «інструктары» - выкладчыкі, якія працуюць з дзецьмі ў СШ і школах - інтэрнатах Украіны, Расіі, Польшчы і Беларусі больш за 200 чалавек:
Як праект асвятляўся сродкамі масавай інфармацыі?
На першым этапе і на канферэнцыі актыўна ўдзельнічала рэспубліканская газета "Юны пажарнік" (Дацук Святлана Пятроўна Карэсп. Рэспубліканскай газеты "Юны пажарнік")
На канферэнцыі праграму для навін падрыхтаваў "НТВ-Буг" (Зялінскі Пётр Пятровіч, аператар і Афанасьева Аляксандра, журналіст абласной тэлекампаніі "НТВ-Буг") і "Радыё Брэст" (Арлова Ганна Васільеўна карэспандэнт "Радыё Брэст")
Выдатны матэрыял надрукавала абласная газета "Зара" (Гармель Алена Іванаўна спец. корресп.).
Чэб Алена Яўгенаўна, спец. карэспандэнт абласной газеты "Брестский курьер", выпусціла нарыс. Інфармацыя была асветлена і ў абласной газеце "Народная трыбуна" на беларускай мове.
Публікацыі ў рамках праекту:
Па працы канферэнцыі і семінара падрыхтавалі і выпусцілі інфармацыйную брашуру "Вопыт мясцовых экалагічных ініцыятыў" па актуальнай праблеме выпалу сухой травы і экалагічных ініцыятывах ІСАР і БМАГА "Інвалід і асяроддзе".
Якая падтрымка была атрымана з боку дзяржаўных органаў? Ці была атрымана якая-небудзь падтрымка з боку навуковых, вытворчых ці камерцыйных структур?
Сумесна з МНС, лясніцтвам, упраўленнем адукацыі мы правялі семінар. На працягу ўсяго праекту ў непасрэдным кантакце мы працавалі з гэтымі дзяржаўнымі структурамі. Яны прадстаўлялі свае памяшканні, метадычныя матэрыялы, аўдыё- і відэатэхніку, ілюстрацыйныя плакаты і г.д. Паступілі прапановы аб супрацоўніцтве ад Шамяковай Аксаны Яўгенаўны, намесніка старшыні Брэсцкага абласнога вытворчага лесагаспадарчага аб'яднання і Швайко Эдуарда Яўгенавіча, члена Сакратарыята "Еўрарэгіёна Буг".
Ці бралі іншыя грамадскія арганізацыі ўдзел у праекце?
1) Абласная піянерская арганізацыя актыўна прымала ўдзел (Мірчук Святлана Цімафееўна - старшыня). На семінары была прынята сумесная праграма аб узаемадзеянні ў экалагічных мерапрыемствах маладых інвалідаў нашай арганізацыі з дзецьмі гэтай арганізацыі на месцах, дзе мы будзем праводзіць акцыі супраць выпальвання сухой травы.
2) Экатурыстычны гурток СШ №30 г. Брэст (Сядун Дзмітрый Васільевіч, кіраўнік). Правялі сумесны выезд на цар-дуб у Маларыцкім раёне і з імі на Белым возеры правялі непасрэдны лагер у рамках дадзенага праекту.
3) ТАА «Цэнтр моладзевай ініцыятывы» прадаставіла памяшканні т.б. «Спадарожнік» і памяшканні майстэрняў.
4) Брэсцкі клуб веласіпеднага турызму і падарожжаў правёў марафон.
Які грамадскі рэзананс меў Ваш праект?
Па-першае сама прысутнасць мноства прадстаўнікоў дзяржаўных структур і ўстаноў, грамадскіх арганізацый на семінары для нас поўная нечаканасць. Меркавалася менш.
Таксама зацікаўленасць нашым досведам прадстаўнікоў Польшчы, Украіны, Расіі. Нам здаецца, цікавасць, выкліканая шматлікімі СМІ, гаворыць аб карыснасці і актуальнасці.
Суб'ектыўнае меркаванне - трэба больш і часцей праводзіць падобныя мерапрыемствы, якія аб'ядноўваюць і дзяржаўныя структуры і грамадскія арганізацыі. Гэтая жывая справа каардынуе адзіны фронт у патрэбнай для грамадства справе.
Ці палепшыўся стан навакольнага асяроддзя ў выніку выканання Вашага праекту? Калі так, то якім чынам?
У час правядзення экалагічнага інфармацыйна-навучальнага лагера "МЫ І ІНТЭГРАЦЫЯ" валанцёраў на турыстычнай базе "Спадарожнік" Белае возера, мы звязалі тэорыю з практычнымі элементамі арганізацыі і інтэграцыі экалагічнай работы на месцах з дзецьмі малодшых класаў. Прыбралі смецце, добраўпарадкавалі тэрыторыю базы.
У рамках праграмы семінара па мясцовых экалагічных праблемах "1 кропля + 1 кропля = акіян". Сабралі «інструктараў» - выкладчыкаў, якія працуюць з дзецьмі ў школах у інтэрнатах Украіны, Расіі, Польшчы і Беларусі на тэрыторыі возера „Задворцы” недалёка ад гасцініцы „Дружба”. Добраўпарадкавалі турыстычную стаянку на гэтым месцы з арганізаваным месцам для вогнішча. Да гэтага мерапрыемства ў гэтым месцы была наладжана ў прамым сэнсе звалка. Прыйшлося цэлы дзень выдаткаваць, каб прывесці гэтую тэрыторыю прыгарада Брэста ў парадак.
Ці змяніўся імідж Вашай арганізацыі з прычыны рэалізацыі праекта? Дзякуючы чаму гэта адбылося і якім чынам гэта бачна?
Істотна на імідж нашай арганізацыі рэалізацыя гэтай праграмы не паўплывала. Аднак новы напрамак не толькі практычнай работы па аздараўленню прыроды, але і тэарэтычнай, даў новы імпульс супрацоўніцтва з дзяржаўнымі структурамі. Да правядзення семінараў і канферэнцый на нас глядзелі з высока, а ўдалае аб'яднанне ўсіх дзяржструктур і грамадскасці пад дахам канферэнцыі надало аўтарытэту маладым інвалідам.
"Жывыя" гісторыі (можна гумарыстычныя), звязаныя з выкананнем праекта. Для правядзення экалагічнага інфармацыйна-навучальнага лагера "МЫ І ІНТЭГРАЦЫЯ" валанцёраў на турыстычнай базе "Спадарожнік" Белае возера прыехалі школьнікі і выкладчыкі. Кожны думаў, што на базе няма гітары. У выніку на трыццаць чалавек зьявілася 6 гітар. Было прынятае мудрае рашэнне на заключным акордзе лагера. Шасцёра ўладальнікаў гітар сыгралі «Коніка» на адной гітары. Першы чалавек седзячы на крэсле гуляў рытм. Другі седзячы на падлозе граў на той жа гітары сола, трэці - на басовай струне. Чацвёрты і пяты выкарыстоўваў гітару як ударную прыладу. Шосты дэрыжыраваў.
Якія дадатковыя крыніцы фінансавання з'явіліся ў Вашай арганізацыі ў выніку выканання праекту?
Мы не можам сказаць пра крыніцы, але правільна будзе сказаць, што з'явілася перспектыва далейшага супрацоўніцтва з выкарыстаннем матэрыяльна-тэхнічнай базы і магчымасцей арганізацый партнёраў, што не менш важна.
Ці павялічылася колькасць Вашай арганізацыі з прычыны рэалізацыі праекта? Наколькі?
Згодна са Статутам нашай арганізацыі, кожны чалавек, які ўдзельнічае ў нашых мерапрыемствах, лічыцца кандыдатам у члены нашай арганізацыі. Таму кандыдатаў несумненна дадалося. Апроч гэтага валанцёрскі атрад павялічыў свае шэрагі.
Ваша ацэнка праекта З якімі праблемамі, звязанымі з выкананнем праекта, Вы сутыкнуліся? Як яны пераадольваліся?
Не ўдалося нам выйсці на кантакт падчас канферэнцыі з прадстаўніцтвамі пасольстваў Украіны, Польшчы і Расіі. Хоць калі праводзіўся тэатральны фестываль у г. Брэсце, у рамках якога і быў праведзены семінар па мясцовых экалагічных праблемах, "1 кропля + 1 кропля = акіян", то на адкрыцці гэтага форуму яны прынялі актыўны ўдзел. Толькі з прадстаўнікамі консульства Расіі нам не ўдалася сувязь.
Як Вы збіраецеся працягваць дзейнасць па праекце ў будучыні? Ці ёсць у гэтым неабходнасць?
Наша арганізацыя працуе ў трох кірунках рэабілітацыі маладых інвалідаў: працаўладкаванне, творчасць і экалогія. Сёлета ў г. Брэсце праводзім рэспубліканскі 6-ці дзённы семінар "Як зарабіць інваліду", дзе будуць пастаўлены пытанні і аб экалагічнай валанцёрскай рабоце, як самарэалізацыі асобы кожнага чалавека, развіццё дзелавых якасцей, і ў канчатковым выніку набыццё, удасканаленне магчымасці маладога інваліда на досведзе бясплатнай працы.
Плануем правесці экалагічны марафон да нашых сяброў інвалідам з горада Уладавы ў мястэчка Акунінка. У іх Белае возера і ў нас Белае возера. У іх экалагічныя праблемы і ў нас такія ж. То чаму не падзяліцца досведам і не вырашаць праблемы разам. Нас падзяляе мяжа і 30 кіламетраў адлегласці, а прыроду не можа падзяліць ні хто. Раніцай часта мы чуем у ціхае надвор'е з-за Буга голас польскіх пеўняў.
Ну і вядома ж актыўна пашыраем і ўдасканальваем творчы патэнцыял тэатральнай дзейнасці. Рыхтуем сцэнары і рэпетыруем новыя экалагічныя праграмы аб вечным і добрым.