З 28 верасня па 1 кастрычніка 2012 г. на базе нашай майстэрні прайшоў семінар па шаўкаграфіі. Семінар праводзіўся ў рамках праекта "Нефармальная адукацыя маладых людзей з абмежаванымі магчымасцямі". Праект рэалізуе БМАГА "Інвалід і асяроддзе" пры фінансавай падтрымцы пасольства Фінляндыі ў Вільнюсе.
У семінары прынялі ўдзел маладыя людзі з абмежаванымі магчымасцямі з цэнтраў сацыяльнага абслугоўвання насельніцтва Брэсцкай вобласці, а таксама прадстаўнікі грамадскіх арганізацый і інструктары па рабоце з інвалідамі. Усяго ў семінары прынялі ўдзел 20 чалавек.
Удзельнікі мелі магчымасць пазнаёміцца са ўсім працэсам друку ад выраба макета на кампутары да нанясення малюнка на тканіну ці футболку. Да часу правядзення семінара ў нашай майстэрні дзякуючы праекту з'явілася новае абсталяванне: прылада для нацяжэння сетак, кампутар і фотакамера. Для вырабу рамак мы сталі выкарыстоўваць сеткі і хімію ад фірмы "Ітрака".
Удзельнікі семінара знаёміліся разам з рабятамі з нашай майстэрні як працаваць на новым абсталяванні і маглі бачыць практычны вынік у вырабах майстэрні "КерамАрт". Вядома мы думаем гэта многіх натхніла на практычную працу і мы спадзяемся што ў хуткім будучыні нашы веды дапамогуць арганізаваць падобныя вытворчасці і ў іншых майстэрнях
Другая частка семінара прайшла на Белым возеры. Мы завяршылі працэс шаўкаграфіі і заняліся засваеннем вытворчасці сувеніраў з гіпсу. Удзельнікі навучыліся вырабляць не толькі сувеніры, але і формы з сілікону. Удзельнікі павезлі з сабой узоры вырабаў, вырабленых сваімі рукамі і формы.
Завешыўся семінар вячэрай ля вогнішча разам з берасцейскімі валанцёрамі, якія прыехалі да нас у нядзелю, і падвядзеннем вынікаў семінара. Мы абмеркавалі працяг праекту і азначылі напрамкі нашай сумеснай працы.