Сустрэча старых сяброў і новае знаёмства пасля доўгіх месяцаў каранціну адбылася 23 жніўня 2020 года ў "Інклюзіўным цэнтры прасоўвання ЗЛЖ" г. Брэста па вул. Машэнскага, 66. Больш за 50 чалавек з інваліднасцю правялі захапляльныя спаборніцтвы "Спорт для ўсіх" у рамках праграмы "Безбар'ернае асяроддзе магчымасцей" Малых грантаў Пасольства ЗША ў Рэспубліцы Беларусь. Валанцёрам БМГАА «Інвалід і асяроддзе» і Царквы Хрысціян Адвентыстаў Сёмага Дня, пры ўрачыстым адкрыцці і на працягу ўсяго дня, удалося аб'яднаць удзельнікаў фестывалю на чатырох імправізаваных пляцоўках інваліднага спорту ў адну дружную каманду не сапернікаў, а сяброў, якія хварэюць адзін за аднаго.
Сідарчук Мікалай з г. Пінска сваім азартам і воляй да перамогі пакарыў усіх балельшчыкаў і гасцей, сарваўшы буру эмоцый і апладысментаў, пры праходжанні велапрабегу з перашкодамі на трохколавым веласіпедзе, які склаў велаклуб "Радэя". А падчас спаборніцтваў па Параалімпійскім відзе спорту «Бочча», ён ва ўпартай барацьбе, нягледзячы на распачаты дождж падчас фінальных кідкоў, у прамым сэнсе вырваў перамогу і заняў трэцяе месца.
Падчас урачыстага ўзнагароджання пераможцаў па "Новус" (марскі більярд) і "Дартсу" суддзі распавялі па сакрэце ўсім свеце пра ўдзельнікаў і гасцей спаборніцтваў пра іх цікавыя моманты перажыванняў і міласэрнасці пакінутых за кадрам.
Вельмі салодкім сталом і сяброўскай гутаркай завяршылася не звычайнае мерапрыемства паўсотні неардынарных людзей, якім на працягу нядзельнага дня пашчасціла раскрыць і забыцца на свае народжаныя і набытыя разыначкі.
Здаровы дух нараджае здаровае цела.
Р.S. Спорт для дзяцей, як развіццё безбар'ернага асяроддзя робіць жыццё іх больш разнастайным. Большасць з нас жывуць з думкай аб тым, што інваліды - гэта людзі з іншай планеты. Свет дзеліцца на слабых і моцных, добрых і злых, сумленных і не вельмі.
Вы думаеце, там, у спартовым інклюзіўным цэнтры была слабасць, пачуццё жалю? Не! Там рызыка і воля да перамогі, там моцныя людзі! Сёння хлопцы даказалі гэта, у першую чаргу сабе.
Пераможцы, вядома ж, выйгралі медалі і атрымалі прыемныя падарункі.
Нягледзячы на дожджык, у цэнтры веяла цеплынёй зносін, радасцю, узаемападтрымкай.